မင်းရဲ့ ဖခင်ဟာ B သွေးပိုင်ရှင်ဖြစ်ခဲ့မယ်ဆိုရင်

သူဟာမင်းရဲ့အဖေဆိုတာထက် လမ်းပြကြယ်တစ်စင်းနဲ့ပိုတူတဲ့သူပါ

နေရာတကာမှာ မင်းကိုဦးဆောင်ပြီးခေါ်သွား တတ်ရုံတင်မကပဲ

ဘယ်လမ်းကိုဘယ်လိုလျောက်ရမလဲဆိုတာကိုပါညွှန်ပြတတ်သူပါ

သူကအားကောင်းမောင်းသန်ယောက်ျားတစ်ယောက်မဟုတ်တာတော့သေချာတယ်

ဒါပေမယ့်အတွေးအခေါ်စွမ်းရည်မှာတော့ဘယ်အဖေမှလိုက်လို့မမှီအောင်တော်တဲ့သူတစ်ယောက်ဖြစ်တယ်

သူကသူ့ရဲ့ဘဝကိုစွန့်စားခန်းတွေကိုရင်ဆိုင်ရင်းနဲ့ဖြတ်သန်းချင်တဲ့သူမျိုးပါ

ပြီးတော့မင်းအပေါ်ကိုလည်းအပြည့်အဝနားလည်ပေးလိမ့်မယ်

အဖေအများစုကသားတွေအပေါ်မှာဆိုရင် ခပ်တန်းတန်းပဲဆက်ဆံလေ့ရှိကြပေမယ့်

သူကတော့မင်းရဲ့ခံစားချက်တွေကိုအကောင်းဆုံးနားလည်ပေးဖို့ကြိုးစားလိမ့်မယ်

မင်းကံကောင်းပါတယ် သူကသဘောကောင်းတဲ့သူတစ်ယောက်ပါ

သူ့မှာယောက်ျားအများစုနှစ်သက်တဲ့ အရက်သောက်တာဖြစ်ဖြစ် မကောင်းတဲ့အကျင့် တစ်ခုတော့ရှိလိမ့်မယ်

ဒါပေမယ့် သူကသူများအပေါ်မှာဘယ်တော့မှကလိန်ကကျစ်ကျတဲ့သူမဟုတ်ဘူး

သူကစိတ်ဆိုးခဲတယ် သူဒေါသထွက်ပြီဆိုရင်လည်း

ပေါက်ကွဲတတ်တယ်

ဆုံးဖြတ်ချက်လွယ်လွယ်ချတတ်တယ် အားနာတတ်တယ်

မင်းက သူ့ကိုအကောင်းဆုံးအဖော်ပြုပေးဖို့လိုသလို

သူလုပ်တာတွေအားလုံးအတွက်အကောင်းဆုံးအကြံတွေပေးဖို့လိုအပ်တယ်

8:59 AM Share:

ဘီသွေးတွေရဲ့ တန်ပြန်သက်ရောက်မှု (Responsibility )

လူတော်တော်များများက မှန်လို ကျင့်တတ်ကြတယ် ကိုယ်အပေါ်ကောင်းတဲ့သူကို ပြန်ကောင်းမယ် ကိုယ့်အပေါ် မကောင်းတဲ့ သူကိုပြန်ပြီးမကောင်းမယ် ဒါပေမယ့်ဘီသွေးပိုင်ရှင်တွေကတော့ ခိုင်းနှိုင်းဖို့တော့ ခက်လိမ့်မယ် ဘာလို့လဲဆိုတော့ သူတို့ကသူတို့အပေါ်ကောင်းတဲ့ သူတွေအပေါ်မှာလည်း ရိုးရိုးသားသားပဲ သူတို့ကို မကောင်းကြံနေတဲ့သူတွေအပေါ်မှာလည်း ကောင်းတဲ့သူတွေဖြစ်ပါတယ် တစ်ခါတစ်လေသူတို့ကို မကောင်းကြံနေတာကို သိသိနေတာတောင် ဟန်ဆောင်နေလေ့ရှိပါတယ် ဒါကတော့ ဘီသွေးအများစုရဲ့ ထူးခြားတဲ့ responsibility လေးပဲဖြစ်ပါတယ်

ပျော်ရွှင်ခြင်း (Happy)

နဂိုထဲကခပ်ပျော်ပျော်ဘီသွေးတွေက သူတို့ပျော်နေတဲ့အချိန်မှာဆိုရင်တော့ အတိုင်းထက်အလွန်ပဲပေါ့ ဘီသွေးတွေကပျော်တဲ့ အချိန်မှာစကားတွေ ရေပက်မဝင်အောင် ပြောလေ့ရှိတယ် သွက်လက်မြူးကြွနေပြီး ထူးခြားတာတွေလျောက်လုပ် လေ့ရှိတယ်  တချို့ဘီသွေးတွေကတော့ အရမ်းပျော်နေတဲ့အချိန်မှာ ရည်းစားဟောင်းတွေဆီ သူငယ်ချင်းဟောင်းတွေဆီကိုဖုန်းဆက်လေ့ရှိပါတယ်

ဝမ်းနည်းခြင်း (sadness)

စိတ်ထိခိုက်လာတဲ့အခါမှာ ဘီသွေးတွေက အခန်းအောင်းသတ္တဝါလေးတွေဖြစ်သွားတတ်ပါတယ် စကားလည်း နည်းသွားတယ် စိတ်မပါလက်မပါပုံစံမျိုးဖြစ်သွားတယ် တခြားသူကိုစိတ်မညစ်စေချင်တဲ့ ဘီသွေးတွေက အတတ်နိုင် ဆုံးဟန်ဆောင်ပြီးဖုံးကွယ် ထားလေ့ရှိပါတယ်

စိတ်လှုပ်ရှားခြင်း (excited)

ဘီသွေးတွေစိတ်လှုပ်ရှားလာပြီဆိုရင်တော့ သူက ဂဏာငြိမ်မှာ မဟုတ်တော့ဘူး သူ့ကိုအားပေးမယ့်သူကို လိုက်ရှာတတ်တယ်

ဒေါသထွက်ခြင်း (angry)

ဘီသွေးတွေရဲ့ဒေါသက ကြောက်ဖို့ ကောင်းပါတယ် အများစုက သည်းခံတတ်သူတွေ စနောက်တတ်သူတွေ ဖြစ်တာကြောင့်သူတို့ဒေါသထွက်ရင်လည်း ဘယ်သူနဲ့မှမတူပါဘူး ဘာဆိုဘာမှ မမြင်တော့ပဲ ပေါက်ကွဲတတ်တဲ့ သူမျိုးတွေပါ

roBBin

7:12 AM Share:

ဘ၀နီတိ

ဘဝမှာ… ကုန်ဆုံးသွားပြီးရင်

ဘယ်တော့မှ ပြန်မရနိုင်တော့တဲ့

အရာသုံးခုရှိပါတယ်။

အချိန်၊ စကားလုံး၊ အခွင့်အရေး ဆိုတာတွေပေါ့။

ဘဝမှာ… (ဘယ်တော့မှ)

လက်လွတ်အဆုံးရှုံးမခံရမယ့် အရာသုံးခုရှိတယ်။

ငြိမ်းချမ်းမှု၊ မျှော်လင့်ချက်နဲ့ ရိုးသာမှု တို့ပဲ။

ဘဝမှာ… တန်ဖိုးထားရဆုံးအရာသုံးခုရှိတယ်။

ချစ်ခြင်းမေတ္တာ၊ ကိုယ့်ကိုယ်ကိုယုံကြည်မှုနဲ့

သူငယ်ချင်းများ ဖြစ်ပါတယ်။

ဘဝမှာ… မသေချာတဲ့အရာသုံးခုကတော့

အိပ်မက်ရယ်၊ အောင်မြင်မှုရယ်၊ ကံကြမ္မာရယ်။

ယောက်ျား(ကောင်း)၊ မိန်းမ(ကောင်း)တစ်ယောက်

ဖြစ်စေတဲ့ အရာသုံးခုကတော့

(ခက်ခဲတဲ့)အလုပ်၊ ရိုးသားမှုနဲ့ အောင်မြင်မှု ပါပဲ။

ယောက်ျားတစ်ယောက်၊ မိန်းမတစ်ယောက်ကို

ဖျက်ဆီးပစ်နိုင်တဲ့ ဘဝရဲ့အရာသုံးခုကတော့

အရက်၊ မာနနဲ့ ဒေါသ ပဲဖြစ်ပါတယ်။

 By:ကောင်းသန့်

8:55 PM Share:

နိုင်ငံရေး ဆိုတာ

မိမိကိုယ်ကို နာမည်ကြီးအောင်

ကြွယ်ဝအောင်လုပ်တတ်သည်မှာ

နိုင်ငံရေးမဟုတ်

တိုင်းပြည်ကောင်းအောင် လုပ်တတ်မှ

နိုင်ငံရေး ဖြစ်၏။

ဗိုလ်ချုပ်အောင်ဆန်း

1:18 AM Share:

မယားကောင်း မယားမြတ်တို့ ၏ အင်္ဂါအရည်အချင်း.....

၁။ အိပ်ယာနေရာ အစားအသောက်တို့ကို သန့်ရှင်စင်ကြယ်စွာ စားသောက် နေထိုင်လေ့ ရှိခြင်း..။

၂။ ယောက်ျားတစ်ပါးသို့ စိတ်နှစ်လုံးမကူးခြင်း..။

၃။ လင် ရှာဖွေရသော ဥစ္စာပစ္စည်းတို့ကို ကောင်းမွန်လုံခြုံစွာ ထိန်းသိမ်းခြင်း..။

၎။ လင်နောက်မှ အိပ်လေ့ရှိခြင်း..။

၅။ လင်၏ အလုပ်အကြံ အစီအမံကို ခံယူ၍ ကူညီရခြင်း..။

၆။ လင့်အာဏာကို မဖီဆန် လင်၏အလိုသို့လိုက်၍ ပြုရခြင်း..။

၇။ လင်အား ချစ်ဖွယ်သောစကားကို ပြောဆိုလေ့ရှိခြင်း..။

၈။ အပူအချမ်းတို့ လျော်စွာ လင်အား ဝတ်ဆင်ပေးရခြင်း..။

(သုတေသနသရုပ်ပြအဘိဓာန်ကျမ်း)

“လောကနီတိကျမ်း အလိုအရမူ”

၁။ စားသောက်သောအခါတို့၌ လည်းကောင်း အဝတ်တန်ဆာပြုပြင် စီရင်သော အခါ၌ လည်းကောင်း အမိကဲ့သို့ နှစ်သက်ဖွယ်ပြုပြင်တတ်ခြင်း..။

၂။ လျှို့ဝှက်အပ်သော မကျစ်မလျစ်သော အရာတို့၌ နှမကဲ့သို့ ရှက်တတ်ခြင်း..။

၃။ အမှုကိစ္စဆောင်ရွက်သောအခါ၌ လည်းကောင်း လင်အနီးအပါးသို့ သွားသော အခါ၌ လည်းကောင်း ကျွန်မကဲ့သို့ ရိုသေစွာ ပြုမူသွားတတ်ခြင်း..။

၎။ ဘေးဒုက္ခကြုံတွေ့သောအခါ တိုင်ပင်ဖော်ရခြင်း..။

၅။ အိပ်သောအခါလင်ကို မွေ့ လျှော်စေတတ်ခြင်း..။

၆။ အရောင်အဆင်းပြုပင်ခြင်း၌ တင့်တယ်စွာ ပြုတတ်ခြင်း..။

၇။ အမျက်ထွက်ရန်ရှိသောအခါ အမျက်ကို သည်းခံထိန်းသိမ်းထားတတ်ခြင်း..။

ဤမယားသည် မယားကောင်း မယားမြတ်ဖြစ်၍ သေသည့်အခါ နတ်ပြည့်သို့ သွားရသည်…..။

9:00 PM Share:

ဓါးသွေးကျောက်

သားကလေး တစ်ယောက်

အားပေးလို့မြှောက်

အဖေ့ရဲ့ ဓါးသွေးကျောက်လေးပါ.......

my father

8:25 PM Share:

We Were Soldiers

ခု.....ငါဦးဆောင်တဲ့ တပ်ဟာ ရှေ့ တန်းစစ်မျက်နှာပြင်ကို ထွက်ရတော့ မှာဖြစ်တယ်။ ဒီလိုထွက်တဲ့နေရာမှာ မင်းတို့တွေရဲ့နောက်ကို အရိပ်က လိုက်နေ သလိုမျိုး သေမင်းကလည်း နောက်ကနေထပ်ကြပ်မခွာ လိုက်နေမှာပဲ။ စစ်မြေပြင်မှာ ရန်သူကိုပေါ့ဆရင် မင်းတို့တွေရဲ့ အသက်တွေဟာလည်း ............. ဒီတော့ ရှေ့တန်း စစ်မျက်နှာပြင်မှာ ရန်သူနဲ့ သူသေကိုယ်သေ တိုက်ကြရမယ် ... အဲဒီ အတွက် ငါ့အနေနဲ့ မင်းတို့ အားလုံးရဲ့ အသက်တွေနဲ့အတူ ပြန်ခေါ်လာနိုင်မယ်ဆို တာကို ကတိ မပေးနိုင်ဘူး။ ဒါပေမယ့် ခု မင်းတို့အားလုံးနဲ့ ဘုရားရဲ့ရှေ့မှာ ငါ ကျိန်ဆိုနိုင်တာ တစ်ခုရှိတယ်။ ဒါကတော့ စစ်မြေပြင်ကိုရောက်တဲ့အခါမယ် စစ်မြေပြင်ကို အရင်ဆုံး ခြေချသူဟာ ငါပဲဖြစ်ပြီး စစ်မြေပြင်ကနေ နောက်ဆုံး ထွက်ခွာသူဟာလည်း ငါပဲ ဖြစ်ရမယ်။

ငါအသက်ရှင်နေစဉ် တစ်လျှောက်လုံး ရှေ့တန်းစစ်မြေပြင်မှာ ဘယ်သူ့ကိုမှ ထားခဲ့မှာမဟုတ်ဘူး။ အသက် ရှင်သည်ဖြစ်စေ သေသည်ဖြစ်စေ အားလုံးကို ပြန်ခေါ် လာမယ်။ ဒီအတွက် ဘုရားစောင့်ရှောက်ပါစေ။”

12:13 AM Share:

ခရမ်းချဉ်သီးပေးတဲ့ အသိ

အလုပ်အကိုင်မရှိသေးတဲ့ ကောင်လေးတစ်ယောက်ဟာ အလုပ်လို ချင်တဲ့ အတွက် မိုက်ကရိုဆောဖ့် ကုမ္ပဏီမှာ ရုံးအကူ တစ်နေရာ အတွက် အလုပ် သွားလျှောက် ပါတယ် …. သက်ဆိုင်ရာ ခန့်ခွဲမှု မန်နေဂျာက သူ့ကို အင်တာဗျူး လုပ်ပါတယ်.. ပြီးတော့ ကြမ်းပြင်ကို သန့်ရှင်းရေးလုပ်ခိုင်းပြီးသူ့ကို စမ်းသပ် စစ်ဆေးပါတယ်… စမ်းသပ် လို့ သူ့လုပ်ရည် ကိုင်ရည်ကို ကျေနပ်သွားတဲ့အခါ မန်နေဂျာက ကောင်လေးကို “ကဲ.. မင်းကို အလုပ်ခန့်လိုက်ပါပြီ… မင်းရဲ့ အီးမေလ်း လိပ်စာ ထားခဲ့… မင်း အီးမေလ်းထဲကို အလုပ်ခန့်လွှာ ပို့လိုက်မယ်. မင်းက အဲဒီထဲမှာ လိုအပ်တဲ့ အချက်အလက်တွေဖြည့်ရမယ်.. ပြီးရင် မင်း အလုပ် စ၀င်နိုင်မဲ့ရက်ကို ဖြည့်ပြီး တို့ဆီကို ပြန်ပို့လိုက် ” လို့ ပြောပါတယ်.ကောင်လေးက “ကျွန်တော့်မှာ ကွန်ပျူတာမရှိပါဘူး ခင်ဗျာ. သုံးလဲ မသုံးတတ်ပါဘူး.. ပြီးတော့ အီမေလ်းလိပ်စာလဲ မရှိပါဘူး” လို့ ပြန်ပြောလိုက်ပါတယ်..“အေး ..ဒါဆိုရင်တော့ ၀မ်းနည်း ပါတယ်ကွာ.. မင်းမှာ အီးမေလ်းလိပ်စာလေး တစ်ခုတောင် မရှိဘူး ဆိုတဲ့ သဘောက မင်းလဲ ဒီကမ္ဘာမှာ မရှိဘူး ဆိုတဲ့ သဘော ဘဲကွာ. ဒီကမ္ဘာလောကကြီးမှာ မရှိတဲ့ လူတစ်ယောက်ကို တို့ကုမ္ပဏီက အလုပ်ခန့်ဖို့ ရည်ရွယ်ချက် မရှိပါဘူး.. မင်း သွားလို့ ရပါပြီ..” လို့ မန်နေဂျာက သူ့ကို ပြောလိုက်ပါတယ်..ကောင်လေးက စိတ်ပျက် အားငယ်စွာ၊ မျှော်လင့်ချက် ကင်းမဲ့စွာနဲ့ မိုက်ကရိုဆောဖ့် ကုမ္ပဏီကြီး ကနေ ထွက်ခွာလာပါတယ်.. သူ့လက်ထဲမှာလည်း ၁၀ တန် ဒေါ်လာ တစ်ရွက်သာ ရှိပါတယ်.. ဒီငွေနဲ့ သူ့ဘ၀ ဘယ်လိုများ ရှေ့ဆက်ရပ်တည် ရမှာပါလိမ့်...လမ်းလျှောက်နေရင်း အတန်ကြာ သူ စဉ်းစား နေမိပါတယ်.. ဘာဆက်လုပ်ရမလဲ…သူ… သွက်လက်တဲ့ ခြေလှမ်းတွေနဲ့ အတူ စူပါ မားကက်ကို သွားပါတယ်…. အဲဒီမှာ ခရမ်းချဉ်သီး ၁၀ ကီလိုဂရမ်ပါတဲ့ တစ်သေတ္တာကို ၀ယ်လိုက် ပါတယ်.. ပြီးတော့ တစ်အိမ်တက်ဆင်း အိမ်တွေမှာ လိုက်လံရောင်းချ ပါတယ်.. မယုံနိုင်စရာ ၂နာရီမပြည့်ခင်လေးမှာ သူ့ငွေက ၂ဆ ဖြစ်သွားခဲ့ပါပြီ.. ၃ကြိမ်မြောက် ၀ယ်ယူပြီး ပြန်ရောင်းချလို့ အကုန်မှာ ဒေါ်လာ ၆၀နဲ့ အတူ အိမ်ကို ပြန်နိုင်ခဲ့ပါတယ်.ကောင်လေး ကောင်းမွန်စွာ သဘောပေါက်သွားခဲ့ပါပြီ… သူ့ဘ၀ရပ်တည်ရေး အတွက် ဒီနည်းနဲ့ သူ လုပ်ဆောင်နိုင်တယ် ဆိုတာ ကောင်းကောင်း နားလည်သွားပြီ.. မနက်တိုင်း မနက်တိုင်း စောစောစီးစီး ထတယ်… ဆိုင်မှာ ခရမ်းချဉ်သီး မှအစ စားသောက်ဖွယ်ရာတွေ ၀ယ်ပြီး အိမ်တိုင်းကို လိုက်လံရောင်းချတယ်.. ညနက်မှအိမ်ပြန် ရောက်တယ်.. ဒီလိုနဲ့ သူ့ငွေတွေဟာ နေ့တိုင်းနေ့တိုင်းကို ၂ဆ ၃ဆ တိုးပွား လာပါတယ်.. မကြာခင်မှာဘဲ… တွန်းလှည်းလေး တစ်စီးကို ၀ယ်ယူ နိုင်ခဲ့ပြီ……. ထို့နောက်တော့ ထရပ်ကားတစ်စီး….. ထို့နောက် မှာတော့ စားသောက်စရာတွေကို တင်ဆောင် ဖြန့်ချီ ရောင်းချနိုင်တဲ့ ကိုယ်ပိုင်ယာဉ် အုပ်စုလိုက်ကို ပိုင်ဆိုင်သွားခဲ့ပါပြီ…၅နှစ်အကြာမှာ… အဲဒီကောင်လေးဟာ အမေရိကားရဲ့ အစားအသောက် လက်လီ ရောင်းချတဲ့ အကြီးဆုံး လုပ်ငန်းရှင်ကြီး တစ်ဦး ဖြစ်လာ ပါတော့တယ် ချမ်းသာလာတဲ့ ကောင်လေးဟာ သူ့မိသားစု နောင်ရေးအတွက် အသက် အာမခံထားဖို့ ဆုံးဖြတ်လိုက်ပါတယ်.သူဟာ အသက်အာမခံ လုပ်ငန်းက ကိုယ်စားလှယ် တစ်ဦးကို ခေါ်ယူတွေ့ဆုံပြီး စည်းမျဉ်း စည်းကမ်း၊ လုပ်ထုံး လုပ်နည်းများကို မေးမြန်းစုံစမ်းပါတယ်.. စကားပြောဆို စုံစမ်းလို့ ပြီးတဲ့အခါမှာ… ကိုယ်စားလှယ်က သူဌေးကို အီမေလ်းလိပ်စာ တောင်းပါတယ်.. သူဌေးက “ကျုပ်မှာ ဘာအီမေးလ် လိပ်စာမှ မရှိပါဘူး.. ကွန်ပျူတာလဲ မသုံးတတ်ပါဘူး” လို့ပြန်ပြော တယ်. ကိုယ်စားလှယ်က အံ့အားသင့်တဲ့လေသံနဲ့ သူဌေးကို မေးပါတယ်… “ခင်ဗျားမှာ အီမေလ်း လိပ်စာမရှိ၊ ကွန်ပျူတာ မသုံးတတ်ဘဲနဲ့တောင် ဒီလောက် အောင်မြင်တဲ့ စီးပွားရေး အင်ပါယာကို တည်ထောင် ထားနိုင်တယ်နော်.. ခင်ဗျားမှန်းကြည့် စမ်းပါ…. တကယ်လို့ ကွန်ပျူတာကို ကျွမ်းကျွမ်း ကျင်ကျင်လဲ သုံးတတ်မယ်… လူတိုင်းနဲ့ ဆက်သွယ်လို့ရမဲ့ အီမေလ်း လိပ်စာ လဲရှိခဲ့မယ် ဆိုရင် ခင်ဗျား ဒီထက်ကို ဘယ်လောက် အောင်မြင် ကြီးကျယ်လာမလဲလို့….”သူက ခနတော့စဉ်းစားလိုက်ပြီး အဖြေပြန်ပေးလိုက်ပါတယ်..“ကျုပ်သာ ကွန်ပျူတာ တတ်မယ်.. အီမေလ်းလိပ်စာသာ ရှိခဲ့မယ်ဆိုရင် ခုချိန်မှာ မိုက်ကရိုဆောဖ့် ကုမ္ပဏီမှာ ရုံးအကူဘ၀နဲ့ ရှိနေပါလိမ့်မယ်” တဲ့…

@Ko Pauk

10:15 PM Share:

စာကလေးရဲ့ သင်ခန်းစာ

တစ်ခါက စာကလေးတစ်ကောင်ဟာ သူ့ရဲ့ဘာမှထူးခြားမှုမရှိတဲ့ ခန္ဓာကိုယ်ကိုကြည့်ပြီး စိတ်ပျက် ညည်းတွားနေခဲ့တယ်။ တစ်ညမှာ စာကလေးဟာ သူ့ကိုယ်သူ ရောင်စုံအမွေးအတောင်နဲ့ လှပတဲ့ ဒေါင်းတစ်ကောင်ဖြစ်သွားတယ်လို့ အိပ်မက် မက်ခဲ့တယ်။ အိပ်မက်ထဲမှာ သူဟာ လှပတဲ့အမွေးအတောင်ကို ဖြန့်ကားပြီး သတ္တဝါတိုင်းကို ကြွားဝါနေခဲ့တယ်။ အဲဒီအချိန်မှာ ရုတ်တရက် အဝေးကလာတဲ့ ဟိန်းဟောက်သံကို ကြားလိုက်တယ်။ တခြားသတ္တဝါငယ်လေးတွေလိုပဲ အမြင့်ကိုပျံဖို့၊ အမြင့်ကို ခုန်တက်ဖို့ သူကြိုးစားခဲ့ပေမယ့် လေးလံတဲ့ ခန္ဓာနဲ့အတောင်ကြောင့် အမြင့်ကို သူမပျံနိုင်ခဲ့ဘူး။ သားရိုင်းတွေကလည်း နီးသထက်နီးလာခဲ့တယ်။ ရုန်းဆန်ရင်း ကယ်တင်ဖို့ အသံကုန်သူအော်ဟစ်ချိန်မှာ အိပ်မက်ဆိုးကနေ သူလန့်နိုးလာခဲ့တယ်။ အိပ်မက်ကနိုးလာပြီး သေးငယ်တဲ့ ကိုယ့်ခန္ဓာကို စိတ်ပျက်လက်ပျက် သူကြည့်လိုက်မိပြန်တယ်။ ဒုတိယညမှာ စာကလေးဟာ သူ့ကိုယ်သူ သိမ်းငှက်ဖြစ်သွား တယ်လို့ အိပ်မက်မက်ပြန်တယ်။ သူ့ရဲ့သန်မာတဲ့အတောင်ကို ဂုဏ်ယူစွင့်ကားပြီး ကောင်းကင်အမြင့်မှာ ပျံဝဲနေလိုက်တယ်။ ပတ်ဝန်းကျင်တစ်ခွင်ဟာ အမြင့်ကကြည့်ရင် ပိုလှကြောင်း သူသတိထားလိုက်မိတယ်။ လှပတဲ့ရှုခင်းအကြောင်း တခြားသတ္တဝါလေး တွေကို ပြောပြဖို့ မြေပြင်ကို သူဆင်းခဲ့တယ်။ ဒါပေမယ့် သတ္တဝါလေးတွေက သိမ်းငှက် အသွင်နဲ့ သူ့ကိုမြင်တော့ ကြောက်လန့်ပြီး ထွက်ပြေးသွားကြတယ်။ သူ့အနားမှာ စကားပြောဖော် တစ်ကောင်မှ ကျန်မနေခဲ့ဘူး။ အိပ်မက်ကနိုးလာတော့ စာကလေးဟာ သေးငယ်တဲ့၊ ဘာမှထူးခြားမှုမရှိတဲ့ သူ့ခန္ဓာကိုယ်ကို ညည်းတွားမနေတော့ဘူး။ လှပတဲ့အမွေးအတောင်နဲ့ ဒေါင်းဟာ သားရိုင်းတွေနဲ့ ကြုံတဲ့အခါ မပြေးလွှားနိုင်ခဲ့ဘူး၊ အမြင့်ကို မပျံသန်းနိုင်ခဲ့ဘူး။ သန်မာပြီး သူ့ကိုယ်သူ အမြင့်ဆုံးပျံနိုင်တယ်ဆိုပြီး ဂုဏ်မောက်ခဲ့တဲ့ သိမ်းငှက်မှာလည်း ချစ်ခင်သူတွေ မရှိခဲ့ဘူး။ ထူးခြားမှုမရှိတာလည်း တစ်မျိုးကောင်းတယ်၊ ထူးခြားမှုမရှိလည်း ပျော်ရွှင်ဖို့ကအဓိက၊ ချစ်ခင်သူတွေ ပေါများဖို့ရာ အဓိကဆိုတာကို သူနားလည်လိုက်တယ်။ ပုံပြင်ထဲက စာကလေးလိုပဲ လူတစ်ချို့က နာမည်ကြီးသူ၊ ချမ်းသာကြွယ်ဝသူတွေကို အားကျကြတယ်။ ကိုယ်တိုင်လည်း ကြိုးစားနေပါရက်နဲ့ ဘာကြောင့်သူတို့လို မဖြစ်တာလဲလို့ စိတ်ပျက်အားငယ်တတ်ကြတယ်။ ချမ်းသာကြွယ်ဝတိုင်း၊ အောင်မြင်တိုင်း သူတို့ဘဝဟာ ပြီးပြည့်စုံနေမှာ မဟုတ်ပါဘူး။ လူတွေမသိကြတဲ့၊ မမြင်နိုင်တဲ့ အခက်အခဲ၊ ထုတ်ဖော်မပြောဝံ့ကြတဲ့ အခက်အခဲတွေလည်း သူတို့မှာရှိကြတယ်။ သူတို့ရဲ့ စိတ်ဖိအား၊ အဖက်ဖက်က ဖိစီးမှုတွေက ဘာမှမထူးခြားတဲ့ လူတွေထက် နှစ်ဆရှိနိုင် ပါတယ်။ ဘာမှမက်မောမှုမရှိတဲ့ ဘဝကမှ ဖိစီးမှုကင်းပြီး ပျော်ရွှင်ရတယ်။ “ဘာမှ မထူးခြားဘူး၊ သာမန်ပဲ” ဆိုတာတွေဟာ ဘုရားသခင်က ကိုယ့်ကိုပေးတဲ့ မထည်ဝါတဲ့ အရာတွေဖြစ်ပေမယ့် တန်ဖိုးအရှိဆုံးဖြစ်တယ်။ ဘာမှထူးခြားမှုမရှိတဲ့ ကိုယ့်ကိုယ်ကို ကြည့်ပြီး စိတ်ပျက်အားငယ်မနေကြပါနဲ့။ ပျံသန်းနိုင်တဲ့အချိန်မှာ ပျံသန်းခြင်းကို လက်မလွှတ်ပါနဲ့ အိပ်မက်မက်နိုင်ချိန်မှာ အိပ်မက်တွေကို လက်မလွှတ်ပါနဲ့ ချစ်နိုင်တဲ့အချိန်မှာ အချစ်ကိုလက်မလွှတ်ပါနဲ့ ပျော်ရွှင်ခြင်းလာချိန်မှာ ပျော်ရွှင်ခြင်း တွေကို အမိအရဖမ်းဆုပ်လိုက်ပါ....

8:26 AM Share: